YANGA MDEBWEDO HAINA JIPYA. YAGEUZWA KAMA CHAPATI NA SIMBA KATIKA MECHI YA NANI MTANI JEMBE. >>>>>>>>>

Kikosi cha timu ya Simba kikiwa kimepozi katika picha ya pamoja na kikombe chao cha nani mtani jembe.

Yanga haina jipya kabisa.

·    Yageuzwa kama chapatti uwanja wa Taifa.

·    Yakubali kichapo cha mabao 3 - 1      kutoka kwa Simba.

·    Ilikuwa ni katika mechi ya nani mtani jembe?

 Na. Mwandishi wetu Dar.

Timu ya soka ya Simba ya jijini Dar es salaam, leo imewadhihirihisha wapenzi na mashabiki wake kuwa timu ya soka ya Yanga ya Dar es salaam si lolote, baaada ya kuwafunga watani wao wa jadi Yanga mabao 3 - 1.  

Mchezo huo ulikuwa ni wa kumtafuta mtani nani jembe ulifanyika katika uwanja wa Taifa jijini Dar es salaam, huku wekundu wa Msimbazi Simba wakionekana kutawala mchezo huo ulidhaminiwa na bia ya Kilimanjaro.

 Mlinda mlango wa timu ya Simba Ivo Mapunda akiokoa hatari langoni mwake, wakati wa mchezo huo wa nani mtani jembe, uliopigwa katika uwanja wa taifa.

 Kipindi cha kwanza kilianza kwa kasi huku Simba wakionana vyema na kuwanyanyasa wachezaji wa Yanga, ambao walionekana kuelemewa hususani sehemu ya kiuongo na hivyo kuonekana kama vile hawamo uwanjani huku Simba wakiendelea kutakata na kufanya vitu vyao.

Ilikuwa ni katika dakika ya 19 ya mchezo  pale Wekundu wa Msimbazi  Simba walipoandika bao la kwanza likifungwa na Hamis Tambwe, baada ya mabeki wa Yanga kuzubaa na hivyo mchezaji huyo kufunga bao hilo.

 Mashabiki wa Simba wakishangilia timu yao wakati ikiinyosha Yanga katika mechi ya nani mtani jembe. Picha ikimuonesha shabiki mmoja wa Simba ambaye jina lake halikuweza kufahamika huku wazimu ukiwa umempanda akivua nguo na kubaki katika chupi.

Hamis Tambwe kwa mara nyingine aliiandikia bao la pili timu yake ya Simba kwa mkwaju wa penaiti kunako dakika ya 43, penaiti iliyopatikana baada ya kiungo wa Simba Singano kuangushwa katika eneo la hatari.

 Kipigo kinaumiza. Shabiki wa timu ya Yanga akionekana hana raha baada ya kuonekana timu yake mdebwedo mbele ya Simba kwa kufungwa mabao 3 -1

Hadi mapumziko Simba walikuwa wakiongoza kwa mabao 2 – 0, wakati Yanga walikuwa hawajapata kitu.

Bao la tatu la Simba lilifungwa na mchezaji Awadhi.

Yanga walipta bao la kufutia machozi kwa upande wa Yanga lilifungwa Emmanuel Okwi, na hadi mwisho wa mchezo Simba 3  Yanga 1.

Simba imeweza kujinyakulia hundi ya shilingi 100,000,000 kama washindi katika mchezo huo wa nani mtani jembe.

KAGASHEKI ABWAGA MANYANGA KATIKA WIZARA YA MALIASILI NA UTALII>>>>>>>>>>>>>>>>>>>

Aliyekuwa Waziri wa maliasili na utalii, Balozi Khamisi Sued Kagasheki, ambaye ametangaza kujiuzulu.

Balozi Kagasheki atangaza kujiuzulu nafasi yake ya uwaziri.

·    Ni uwaziri wa maliasili na utalii

·    Ripoti ya kamati ya Ardhi, Maliasili na mazingira yamkuta na hatia ya uzembe.

·    Kuhusiana na sakata la operesheni tokomeza ujangili.

Na. Mwandishi wetu.

Waziri wa maliasili na utalii, Balozi Khamisi Kagasheki, ametangaza nia ya kujiuzulu wadhifa huo ikiwa ni muda mfupi uliopita huko bungeni mjini Dodoma.

Sababu kubwa ya kujiuzulu ni baada ya kusomwa ripoti ya kamati ya Ardhi, Maliasili na mazingira, ikimtuhumu kuzembea na kukithiri kwa vitendo viovu vilivyofanywa na wanausalama wakati wa operesheni ya tokomeza ujangili.

Kwa mujibu wa ripoti ya kamati hiyo, imebainisha kuwa operesheni hiyo tokomeza ujangili iliyoendeshwa na serikali ilikuwa na unyanyasaji mkubwa  wa wananchi , ukatili, udharirishaji, ubakaji na mauaji huku baadhi ya wazazi wakivuliwa nguo, kuteswa na kubakwa mbele ya familia.

Akiwakilisha taarifa ya kamati hiyo, mwenyekiti wake James Lembeli, amesema kuwa pamoja na mates o hayo yaliyowakumba wananchi pia nyumba zao zilichomwa na mifugo kupigwa risasi huku mingine ikifa kwa kukosa maji, chakula na maziwa kwa ndama wadogo.

Kamati hiyo pia imebainisha kuwepo kwa vitendo vya Rushwa vilivyotawala operesheni hiyo, ambapo pia wananchi waliokuwa na mifugo walitozwa faini na mifugo mingine kuuzwa kwa bei nafuu ambayo haikulingana na faini iliyokuwa ikitoza na wafugaji walizuiliwa kushiriki katika mnada wa uuzaji wa mifugo hiyo.