Nicholas Musonye, katibu mkuu wa CECAFA.
Makundi ya CECAFA chalenji Cup
yatangazwa huko Nairobi.
· Tanzania yapangwa kundi moja na Zambia.
· Ratiba ya michuano hiyo kuwekwa hadharani wiki ijayo.
Na. Deo
Kaji Makomba.
Droo ya makundi ya timu za taifa
zitakazocheza katika michuano ya kuwania kombe la CECAFA chalenji mwaka huu
huko nchini Kenya imefanyika hapo jana ijumaa mjini Nairobi huku kila timu
ikipangwa katika makundi tofauti.
Kulingana na taarifa iliyotolewa kwa
vyombo vya habari na shirikisho la soka kwa nchi za Afrika Mashariki na kati
CECAFA na nakala yake kukifikia Kisima hiki cha habari, imeeleza kuwa makundi
ya A, B na C yameundwa kuelekea mashindano hayo yanayotarajia kuanza kurindima
hapo Novemba 27 mwaka huu huko mjini Nairobi nchini Kenya.
Kulingana na taarifa hiyo, kundi A
lina timu mwenyeji Kenya, Ethiopia, Zanzibar pamoja na Sudani ya kusini wakati
kundi B Tanzania, Zambia, Burundi pamoja na Somalia zimepangwa katika kundi
hilo.
Kulingana na taarifa hiyo, timu za
Uganda, Rwanda, Sudani na Eritrea zimepangwa katika kundi C na ikielezwa kuwa
ratiba ya michuano hiyo itawekwa hadharani wiki ijayo.
