Marehemu Daudi Mwangosi.
Muungano wa klabu za wandishi wa habari Tanzania, UTPC kutoa tuzo ya Mwangosi kila mwaka.
Ni ya uandishi wa habari za kishujaa na utumishi uliotukuka.
Tiddo Muhando kuwa mgeni rasmi .
Mshindi katika tuzo hiyo kujinyakulia shilingi milioni 10 .
Na. Mashaka Baltazar.
MKURUGENZI wa Kampuni ya Mwananchi
Comunication Ltd, Danstun Tiddo Mhando atakuwa mgeni rasmi katika hafla ya
utoaji wa Tuzo ya Mwangosi ya Uandishi wa Habari za Kishujaa na Utumishi
uliotukuka.
Tuzo hiyo imeanzishwa na Muungano wa
Klabu za Waandishi wa Habari Tanzania (UTPC) na itaolewa Novemba mwaka
huu, ambapo mshindi atazawadiwa shilingi 10 milioni na cheti na itatolewa,
Septemba 2 ya kila mwaka.
Marehemu Mwangosi aliuawa na polisi
kwa kupigwa bomu tumboni,Septemba 2, 2012 katika kijiji cha Nyololo, Mkoani
Iringa wakati akitekeleza majukumu yake ya uandishi wa habari .
Akizungumza na waandishi wa habari
Jijini Mwanza jana , Rais wa UTPC,Kenneth Simbaya,
alisema tuzo hiyo ya kishujaa itakuwa ya kumuenzi marehemu Mwangosi na
waandishi wengine waliojitoa kulitumikia taifa lao kwa maslahi ya jamii.
“Tuzo hii imepewa jina la Daud
Mwangosi,inatolewa kwa mara ya kwanza hapa nchini katika historia ya
tasnia ya habari, ili kuwaenzi na kuwatambua waandishi wa habari ambao
wanateswa,wanadhaliliswa, kupigwa na hata kuuawa kwa ajili ya kutekeleza kazi
zao za kitaaluma,” alisema Simbaya.
Alisema marehemu Mwangosi ni
mwandishi wa kwanza wa habari kuuawa hapa nchini wakati akifanya kazi
yake,hivyo ni wajibu wa wana habari wote Tanzania kuwaongoza wapenda amani
kumuenzi na kummbuka dama .
Pia alieleza kuwa ni wajibu wa wana
habari kwa umoja wetu, kupaza sauti kulaani kwa nguvu zetu zote, unyama
aliofanyiwa marehemu Mwangosi na ni matarajio kuwa wote wataungana na UTPC
kuhakikisha mkondo wa sheria unachukua nafasi yake, ili haki yake ipatikane.
“waandishi wa habarri wanafanya kazi
ya kuihabarisha jamii na wanawajibka kwayo.Wanapata mateso kwa jamii hiyo,hivyo
tumeona tutoe tuzo hiyo Novemba 7 mwaka huu, hafla ambayo itafanyika JB
Belmonte hoteli mbele ya umma wa Watanzania,”alisema Simbaya
Alisema wageni 120 kutoka ndani na
nje ya Tanzania akiwemo mke wa marehemu Mwangosi watahudhuria hafla ya utoaji
wa tuzo hiyo, ambapo mgeni rasmi atakuwa Mkurugenzi wa Mwananchi Communication
Ltd Danstun Tiddo Mhando.
Aidha Rais huyo wa UTPC kwa niaba ya
Bodi ya Wakurugenzi na Viongozi wa klabu za waandishi wa habari nchini
,aliwashukuru Majaji kwa kazi nzuri ya kumchagua mshndi wa tuzo hiyo na
kuwataja kuwa ni Mwenyekiti Nkwabi Mwanakilala na wajumbe,Leila Sheikh,Hamza
Kassongo na Dkt Ayoub Ryoba.
Wakati huohuo Mkurugenzi wa UTPC
Abubakar Karsan,amesema kuwa umeanzishwa mfuko wa Media Support Development
Fund,utakaosaidia Waandishi wa habari watakaopata madhara wakitekeleza majukumu
yao ya kitaaluma.
Alisema mafuko huo utatoa msaada wa
kisheria kwa wanahabari watakaofikishwa mahakamani wakitekeleza majukumu yao,tiba
kwa watakaojeruhiwa kazini na kuwasaidia uhamisho kutoka maeneo wanakofanyia
kazi baada ya kupata matatizo.
Kuhusu msaada kwa familia ya
marehemu Mwangosi, Karsan alisema kamwe UPTC haiwezi kujisifu kwa unyama
uliofanywa ubaradhuri mmoja kwa kutoa roho ya Mwangosi, na kwa muktadha huo,
ndiyo sababu ya umeanzishwa mfuko wa kuwasaidia waandishi wa habari
watakapopatwa na matatizo wakiwa kazini.
