· Ni Ardo King Simple,atikisa Chicago katika katika show.
· Mwana Hip Hop wa kweli aitoa kama zawadi kwa watanzania na
Afrika Mashariki.
Na. Deo Kaji
Makomba
Mtanzania anayeishi na kufanya shughuli zake nchini Marekani,Eliatosha Adonia, almaarufu, Ardoking Simple, ameachilia hewani kibao chake kipya alichokirekodi katika mahadhi ya Hip Hop huko nchini Marekani.
Kibao hicho kijulikanacho kwa jina
la Mwana Hip Hop wa kweli, kutoka chini ya lebo ya Legendary Music
Inc(Chicago-U.S.A and Japan), kimeruhusiwa kuruka hewani na management nzima ya
Legendary Music Inc, inayosimamia na kuratibu
kazi za mwanamuziki huyo, mwenye asili ya Jiji la Miamba na Sangara,(The
rocky city) Mwanza Tanzania.
Tayari kibao hicho kimeanza kusikika
hewani tangu tarehe 11 mwezi huu wa sita mwaka huu katika vituo mbalimbali vya
radio nchini Tanzania.
Akizungumza katika wavuti yake kabla
ya rekodi hiyo haijaruka hewani kama utambuliho wa kazi zake ambazo hivi sasa
ameamua kuzifanyia nchini Marekani akishirikiana na wanamuziki mbalimbali
nchini humo, licha ya kuwa amefanya baadhi ya rekodi nyingine kwa lugha ya
kimombo, Ardo king amesema kuwa Single ya Mwana Hip Hop, ameirekodi kwa lugha
ya kiwahili ikiwa na malengo ya kuwapa kitu kitu roho inapenda watu wa nyumbani
Tanzania, lakini pia kuitangaza lugha nadhimu ya Kiswahili kimataifa zaidi.
Kama ilivyo kwa wanamuziki wengine,
ana matumaini na ana matarajio makubwa kwa Single yake ya Mwana Hip Hop
itatikisa na kufanya vyema katika vituo mbalimbali vya radio pamoja na mitaa
mbalimbali hapa nyumbani Tanzania, na Afrika Mashariki.
Ardo King Simple, ameongeza kusema
kuwa ana matarajio na anaamini katika uwezo wake wa ubunifu wa mashairi yake
akitaka kuwahika mahabiki wa Hip Hop.
Kabla ya mwanamuziki huyo kutoa
hewani rekodi hiyo mpya na kuiachilia katika vituo mbalimbali vya radio nchini
Tanzania siku tatu zilizopita, amesema maendeleo yake kimuziki kiukweli
anamshukuru mungu kuona yanakwenda vizuri, baada kuwepo nchini Marekani kwa
takribani miaka mitano iliyopita, na kuona ndoto zake zinaendelea vyema.
Akizungumza katika mahojiano maalum
na safu yetu ya burudani katika mtandao huu, Ardoking Simple, amesema kuwa
miezi takribani mine iliyopita alifanya show ya muziki mjini Chikago nchini
Marekani huku akikimbiza vibaya na rekodi yake mojawapo, ijulikanayo kwa jina
la All I have, akimshirikisha mmoja wa wanamuziki wa R&B paris mpango mzima waweza tembelea pia wavuti yake, www.ardokingmusic.com.
“Kiukweli Deo, Mungu anasaidia,
mambo yanakwenda vyema, tangu tumeachana kitambo kile hapa Mwanza tukiwa pamoja
katika harakati zile za maisha, mambo mperampera hivi sasa.”Alisema Ardoking
Simple wakati akizungumza nami, katika Hotel ya Mwanza Institute, Jijini
Mwanza, tukila bata kwa pamoja, mara baada ya kudondoka kutoka unyamwezini hivi
karibuni.
