Mwenyekiti wa chama chama cha Demokrasia na maendeleo, CHADEMA, wilaya ya Ilemela mkoani Mwanza, Bw. Yunisi A Chilongozi.
Uongozi CHADEMA wilaya ya Ilemela mkoani Mwanza, wakanusha
tamko lililotolewa na wanaojiita sauti ya viajana wa CHADEMA la kuwapiga
marufuku Kina Slaa Mbowe kukanyaga Mwanza
· Wasema ni kikundi cha wahuni
kilichotoa tamko hilo.
· Mwenyekiti wa CHADEMA Singida naye
ajiuzulu nafasi hiyo.
Na. Deo Kaji Makomba.
Chama cha demokrasia na maendeleo CHADEMA, wilaya ya Ilemela
mkoani Mwanza, kimekanusha vikali taarifa zilizotolewa hivi karibuni katika
vyombo mbalimbali vya habari kuwa, uongozi wa sauti ya vijana wa CHADEMA,
mkoani Mwanza, unawazuia viongozi wa
chama hicho kitaifa kutokufika maeneo ya Mwanza kwa madai kuwa, hawaridhishwi na sababu
zilizowavua uongozi baadhi ya wana CHADEMA, akiwemo Zuberi Zitto Kabwe.
Kauli hiyo ya CHADEMA wilaya ya Ilemela mkoani Mwanza
imetolewa na uongozi wa chama hicho ngazi hiyo ya wilaya, baada ya Bw. Robert E. Gwancele, aliyejitamburisha kama mwenyekiti
wa sauti ya vijana ya CHADEMA mkoani
Mwanza, kutoa taarifa kwa vyombo vya habari kuwa wana CHADEMA Mwanza,
hawatataka kuwaona maeneo ya Mwanza na mwenyekiti wa taifa wa chama hicho
Wilbroad Silaa pamoja na katibu wake Freeman Mbowe.
Akizungumza katika mkutano na wandishi wa habari kwenye
hotel ya Lenana iliyopo Pasiansi jijini Mwanza, mwenyekiti wa CHADEMA, wilaya
ya Ilemela, Bw. Yunisi A. Chilongozi, amesema kuwa chama wilaya yake inaunga
mkono maamuzi yaliyochukuliwa na kamati kuu ya utendaji ya chama hicho taifa ya
kuwavua madaraka Zito Zuberi Kabwe na wenzake na kuwaomba wanachama wa CHADEMA
kuyapuuza matamko yaliyotolewa na kikundi walichokiita ni cha kihuni
kinachoendeshwa na Bw. Gwanchele.
Aidha Bw. Chilongozi ameongeza kusema kuwa kikundi hicho
kinachowapiga marufuku viongozi wa CHADEMA taifa kutofika Mwanza hawana mamlaka
yoyote na kwamba Chama hicho ngazi ya wilaya ya Ilemela kinamchukulia hatua
kali Bw. Gwanchele ambaye ni mwanachama wa kawaida ndani ya chama hicho.
Bw. Chilongozi alienda mbali kwa kusema kuwa chama chake ni
makini na ndiyo maana kimekuwa kikiwaadhibu viongozi na wanachama wake ambao
huleta mbinu za kukisaliti chama kwa kutumiwa na wapinzani wao chama cha
Mapinduzi, CCM.
Lakini wakati hayo yakitokea, hali inazidi kuonekana kuwa si shwari ndani ya chama cha demokrasia na
maendeleo, CHADEMA, kufuatia mwenyekiti wa chama hicho mkoani Singida kutangaza kujiuzulu nafasi hiyo.
Wakati huohuo habari kutoka Arusha zilieleza kuwa, ofisi ya
CHADEMA, jijini iliungua moto jumanne
hii majira ya saa 12 asubuhi, baada ya mlinzi wa ofisi hiyo kuwa ameondoka
kwenye eneo lake la ulinzi.
Polisi mkoani Arusha, inaendesha uchunguzi ili kuweza
kubaini chanzo cha moto huo.
