WASANII
WANAOIBUKIA KATIKA FANI YA SANAA YA UIGIZAJI NA MUZIKI NCHINI TANZANIA BAADHI
YAO WAKO KATIKA HATARI KUBWA YA MAAMBUKIZI YA UKIMWI.
·
Yaelezwa wengi wao wajitumbukiza katika sanaa kwa lengo la kutafuta umaarufu na “Mademu”
·
Watakiwa kuwa makini.
Na. deo kaji makomba
Wasanii katika nyanja tofauti ya sanaa ikiwemo sanaa ya maigizo na
muziki wa kizazi kipya nchini Tanzania, wametakiwa kutumia fani hiyo ya sanaa
katika malengo mazuri na si kuingia katika fani hiyo kwa lengo la kutaka kujipatia umaarufu na
mambo yasiyofaa.
Bila kuzingatia misingi na kufanya kazi ya sanaa kwa malengo
mazuri wasanii waliojitumbukiza katika fani hiyo kwa malengo ya kutaka
kujipatia umaarufu na sifa zisizokuwa na msingi, wako katika hatari kubwa ya
kuporomoka na hata kuugua gonjwa hatari la ukimwi.
Kauli hiyo imetolewa na msanii maarufu
wa vichekesho nchini Tanzania, Rashidi mwinyishehe Saidi wa Mzanga,
almaarufu Kingwendu, wakati akizungumza katika mahojiano maalumu na Kisima hiki
cha habari jijini Mwanza, hivi karibuni.
Msanii wa vichekesho na muziki wa kizazi kipya nchini Tanzania Kingwendu, kulia akifuatiwa na mtangazaji wa kituo cha radio cha Metro Fm cha jijini Mwanza, Tony, akifuatiwa na mmoja wa wakurugenzi wa VYUKA SOLUTION, Martin, na aliye na headphone ni mtangazaji nguri wa muziki wa zamani Jacob Usungu, wakati Kingwendu alipotembelea kituo hicho cha radio.
Kingwendu amesema kuwa kumekuwepo na wimbi la vijana wengi
hivi sasa nchini Tanzania kujitumbukiza katika fani ya sanaa ya maigizo muziki na vichekesho, ili
kuweza kuona nao wanajikwamua kimaisha kutokana na tasinia hiyo, lakini baadhi
yao wamekuwa wakiingia humo kwa ajili ya kujitafutia umaarufu usiokuwa na
msingi ikiwemo kujitafutia “mademu” na kufanya umalaya.
Kingwendu ambaye pia ni
msanii wa muziki wa kizazi kipya, ameongeza kusema kuwa sanaa hahiitaji kuifanyia
mambo mabaya kwani ni kitu ambacho kimeweza kutengeza ajira kwa vijana wengi
nchini Tanzania na kuondoa dhana potofu iliyokuwa imetanda kunako miaka ya
nyuma kuwa fani ya muziki na maigizo pamoja na vichekesho ilikuwa ni uhuni.
Kingwendu akiwa katika pozi, wakati alipotembelea Metro Fm jijini Mwanza hivi karibuni(Picha zote na maktaba ya Kisima cha habari)
Aidha Kingwendu ambaye pia aliwahi kutikisa na rekodi
kadhawakadha za muziki ikiwemo wimbo wake wa Huyu demu ana mapepe.
Waweza sikiliza mahojiano maalum kati ya Kingwendu na na Deo
Kaji Makomba wa Kisima cha habari yaliyofanyika hivi karibuni.>>>>>>>>>>>>>>>>>>>>>>>>>
