KATIKA SOKA HUKO MAJUU

LIVERPOOL YAMSAINISHA ALIYEKUWA MSHAMBULIAJI WA SEVILLA NA KIKOSI CHA UNDER- 21 CHA HISPANIA.

·        Ni katika mandalizi ya kimuhemuhe cha ligi kuu ya England.

·         Kuungana na Simon Mignolet.

Na. Deo Kaji Makomba

Barani ulaya klabu ya kandanda ya Liverpool ya nchini Englang, imemsajili mshambuliaji wa timu ya Sevilla, Luis Alberto kwa mkataba wa muda murefu, kwa dau linaloaminika kuwa paundi milioni 6.8

Mshambuliaji huyo mwenye umri wa miaka 20, alikuwa akichezea kwa mkopo katika kikosi B cha klabu ya soka ya Barcelona ya nchini Uispania, lakini mabingwa hao wa Uispania wakaamua kuchukua maamuzi ya kuwaruhusu Liverpool kumsajili mchezaji huyo ambaye pia anachezea kikosi cha Uispania kwa wachezaji walio chini ya umri wa miaka 21.

“Ana wasifu uliokamilika kimpira na anatufaa kuwa mchezaji wa Liverpool.” Amesema bosi wa wekundu hao, Brendan Rodgers.

“ Ninatizama mbele kufanya kazi nay eye kwa ajili ya kuendeleza kipaji chake.” Aliongeza kuema bosi huyo.

 Alberto alijiunga na klabu ya Sevilla akiwa na umri wa miaka 18 hapo mwezi April mwaka 2011.

Mchezaji huyo wa zamani katika kikosi cha umri chini ya miaka 18 na chini ya miaka 19 amecheza mechi 38 katika kikosi B cha Barcelona msimu uliopita, huku akipachika wavuni magoli 17.

Atakwenda kuungana Anfield na Simon Mignolet,na mlindamlango anayetarajiwa kukamilisha dili ya paund million 9 wiki ijayo kwa ajili ya kuidakia timu hiyo katika msimu mpya wa ligi kuu ya soka ya England.