Mwenyekiti wa tume ya mabadiliko ya Rasimu ya Katiba Mpya Jaji Joseph Sinde Warioba
Licha ya tume ya mabadiliko ya rasimu
mpya ya katiba nchini Tanzania kukamilisha kazi yake,
bado yaendelea kukosolewa -Bituro
· Yaelezwa maoni yaliyokusanywa
yanamapungufu makubwa.
· Idadi ya waliotoa maoni hakidhi na
haiwezi kuwakilisha watanzania milioni 45.
Na. Deo Kaji
Makomba.
Wakati wajumbe wa
bunge maalum la katiba wakiendelea na mkutano wa utungaji kanuni alkadharika
majadiliano kuhusu rasimu ya katiba mpya iliyoandaliwa na tume maalum ya katiba
iliyokuwa chini ya mwenyekiti wake jaji Joseph Sinde Warioba, wananchi mbalimbali wamezidi kuikosoa rasimu ya katiba.
Kwa mujibu wa taarifa ya uchambuzi wa takwimu za maoni ya
wananchi ya rasimu ya katiba mpya uliofanywa
na Paschal Bitulo Kazeri ambaye
ni mtafiti wa masuala mbalimbali ya kijamii na nakala yake kukifikia Kisima
chetu cha habari, imeeleza kuwa, nia ama malengo ya kufanya mabadiliko ya
katiba mpya ni mazuri kwani katiba iliyopo ama kwa hakika imepitwa na wakati na
hivyo kutokwendana na wakati wa sasa.
Katika taarifa yake hiyo ya uchambuzi, Bituro ameleza kuwa
licha ya tume ya jaji wariomba kumaliza kazi yake, imeonesha mapungufu makubwa na
kwamba haiakisi maoni na na takwimu za maoni ya watanzania.
Kulingana na taarifa hiyo ya uchambuzi wa takwimu, imeeleza
kuwa idadi iliyotumika kutoa maoni ya watanzania ni 351,664 idadi ambayo
haiwezi kuwakilisha watanzania wengine milioni 45, ikiwa pamoja na tafasiri
shinikizo ya takwimu (muungano badala ya mambo mengine), huku sababu ya kutokea
mapungufu hayo katika ukusanyaji maoni hayo ikielezwa kaitka taarifa hiyo ya
uchambuzi wa Bituro, kuwa ni muda mdogo, bajeti finyu, tume kutaka kutokinzana na wanaharaki
pamoja na tume kuendeshwa na mhaniko wa hisia za wajumbe wake.
Mchambuzi na mtafiti wa masuala mbalimbali ya kijamii Paschal Bituro Kazeri
Wakati ikiundwa tume hiyo ya kuandaa rasimu mpya ya katiba
, watanzania waliaminishwa kuwa wakati ulikuwa umefika wa kuandika katiba upya
kwa kile kile kilichoelezwa kuwa katiba ya sasa iliandikwa na watu wachache
kutokana wananchi kutoshirikishwa, ilimpa rais madaraka makubwa ikiwa ni pamoja
na kuonesha kuwa tume ya uchaguzi sio huru na haki na kwasababu hiyo chaguzi
zote zinazosimamiwa na tume ya uchaguzi hazitoi mshindi anayekuwa amchaguliwa na
wananchi, hivyo utayarishaji wa katiba mpya ulipaswa kurekebisha mapungufu
hayo, kitu ambacho imeshindwa na kurudia yaleyale.
Kutolewa kwa taarifa hiyo ya uchambuzi ya takwimu za
ukusanyaji wa maoni ya wananchi kuhusu mabadiliko ya katiba mpya ya Jamhuri ya
muungano wa Tanzania, ni kutaka kuionesha nia nzuri tume kuwa walifikia vipi
katika kutoa rasimu mpya ya katiba tarajiwa, na kuongeza kuwa taarifa hiyo inajnga
msingi mzuri wa kuikosoa tume ya warioba na hivyo kufuta mawazo miongoni mwa
watanzania kuwa hoja zao ziliwekwa kapuni.
